بِسْمِ اللَّهِ الرَّحْمَٰنِ الرَّحِيمِ

1 And olsun səhərə;
2 And olsun sakitləşməkdə olan (və ya: getdikcə zülməti artan) gecəyə ki,
3 (Sənə bir neçə gün vəhy nazil etməməklə) Rəbbin səni (ya Peyğəmbər!) nə tərk etdi, nə də sənə acığı tutdu.
4 Şübhəsiz ki, axirət sənin üçün dünyadan daha xeyirlidir!
5 Həqiqətən, Rəbbin sənə (qiyamət günü ən uca şəfaət məqamı, Cənnətdə tükənməz nemətlər) bəxş edəcək və sən (Ondan) razı qalacaqsan!
6 Məgər O səni yetim ikən tapıb sığınacaq vermədimi?!
7 Sənin şaşqın (yaxud: uşaq vaxtı Məkkə vadisində azmış) vəziyyətdə tapıb yol göstərmədimi?!
8 Səni yoxsul ikən tapıb dövlətli etmədimi?!
9 Elə isə yetimə zülm etmə!
10 Dilənçini də (qapıdan) qovma!
11 Və (həmişə) Rəbbinin sənə olan nemətindən söhbət aç!
BİR AYƏ
Aləmləri (insanları və cinləri Allahın əzabı ilə) qorxutmaq üçün (haqqı batildən ayıran) Quranı Öz bəndəsinə (Muhəmmədə) nazil edən Allah nə qədər (uca, nə qədər) uludur! (Ucalardan ucadır; əzəli və əbədidir, xeyir-bərəkəti bol və daimidir!)
BİZƏ QOŞUL